Xiyaara Ruusiyaa gammoojji Sinaayitti caccabeen lubbuun Namaa akka Darbee Ibsame.

Xiyaara Ruusiyaa gammoojji Sinaayitti caccabeen lubbuun Namaa akka Darbee Ibsame

 Xiyaarri Ruusiyaa Namoota 224 yaabbachiisee Ijipit gammoojjii Sinaayitti kufee caccabuunsaa erga beekamee booda lubbuun Namaa balaa kana irraa baraarame akka hin jirre qondaaltoonni Ijipit beeksisaniiru.

туристический онлайн-справочник
Лучшие Андроид планшеXiyaarri Ruusiyaa ‘air bus A-321’ jedhamu iddoo bashannanaa Shaarmaal Sheek  jedhamu irraa ka’uudhaan  gara Ruusiyaa Piitisbargitti balali’aa ture.

Hojjettoonni yeroo balaa Ijipit iddootti argamuudhaan lubbuu baraaruuf carraaqqii taasisanis  lubbuun Imaltoota hundaa akka darbe mirkanaa’eera.

Caccacbaan xiyaarichaa iddoo Haasaanaa jedhamutti akka argame kan beeksisan qondaaltoonni Ijipit reeffi  imaltootaas akka walitti qabame himaniiru.

Sababii balaa kanaa qulqulleesuuf ni gargaara kan jedhame saanduqni gurraachi xiyaarichaa caccabaa xiyaarichaa keessatti akka argame eerameera.

Qondaaltoonni biyyattii akka jedhanitti Namoota  224 xiyaarichaan imalaa turan keessaa 214 lammiiwwan Ruusiyaa yammuu ta’an 3 ammoo lammiiwwan yuukireen akka ta’an beekameera.

Mudannoo balaa kanaa booda pireezidaantiin Ruusiyaa Vilaadmiir Puutiin Dilbanni boruu guyyaa gaddaa ta’ee akka ooluuf labsaniiru.

Gareen dhimma balaa kanaa qulqulleesus hatattamaan hundeefafmee gara naanichaatti akka ergamuuf pireezidaantichi ajajaniiru.

Kana boodas gareen qulqulleessaan ministira geejibaa Ruusiyaa Maaksiim Sooklooviin hoogganame gara Ijipititti kan imale yammuu ta’u Daandii xiyaaraa irratti himannaan yakkaa akka dhiyaate tajaajilli oduu Itiyoophiyaa beeksiseera.

Xiyaarichi balali’aaf erga ka’ee booda as buuteen isaa dhabameera jedhamee himamaa tureera.

Qondaaltoonni Ijipit xiyaarichi balali’aaf ka’ee daqiiqaa 23 booda quunnamtiin  too’annoo qilleensaa Qophiroos wajjin quunnamtiin qabu akka addaan cite himaniiru.

Odeeffannoowwan turanii tamsa’aniin gareen shoroorkeessaan IS gammoojjii Siinaay keessa socho’u xiyaaricha anatu lafaan dhaye,itti gaafatmas nan fudhadha jechuun ibsa kenneera.

Qondaaltoonni Ijipit gamasaaniitiin kun sobadha,xiyaarichi kufee kan caccabee rakkoo teekinikaa isa mudateeni jedhaniiru.BBCtu gabaase.