Haleellaa shoroorkeessitootaa halkan edaa Faransaay Paarisitti raawwatameen Namoonni 120 ga’an ajjeefaman

Haleellaa shoroorkeessitootaa halkan edaa Faransaay Paarisitti raawwatameen Namoonni 120 ga’an ajjeefaman

 Balaa dhooyinsa boombii Shoroorkeessitoonni halkan edaa Magaaalaa Faransaay Paarisitti geessisaniin Namoonni 120 caalan aka du’an mirknaa’eera.

Balaan dhoyinsa boombii lama  koonsartii muuziqaa dhiyeenya Staadiyamii biyyattiitti argamutti qophaa’erratti raawwatame jedhameera.

Qophii muuziqaa galma keessatti qophaa’e kana keesa seenudhaan hidhattoonni Namoota baa’yee akka danqanis eerameera.

Battala balaan kun mudatetti gareewwan biyyaalessaa kubbaa miilaa Faransaayifi Jarman tapha michummaa taasisaa turan jedhameera.

Hidhattoonni galma seenan dhukaasuun Namoota 80 kan ajjeesan yammuu ta’u lakkoofsi Namoota du’aani 120 akka caale himamaa jira.

Pireezidaantiin biyyattii Firaansuwaa  Oolaan sababa balaa kanaatiin biyyattiitit labsii yeroo ariifachisaa labsaniiru.

Kantiibaan Magaalaa Paarisis haalli jiru hanga tasaggbbaa’utti jiraattoonni Magaalaa manuma isaanii keessa akka turaniif dhaamaniiru.

Pireezidaantii Ameerikaa Baaraak Obaamaa dabalatee hoogantoonni biyyaalee Addunyaa qaama balaa kana keessise balaaleeffachuun duulli shoroorkeessitoota irratti taasifamu daran cimuudhaan itti fufuu akka qabu hubachiisaa jiru.